ادواك عندي والأظلم دايم البادي
والله لاوريك شئ مابعد شفته
ماهو في صالحك يوم تجرب عنادي
الله من ريق ماينشف ونشفته

فرقاك عادي واقل من عادي
انا من الله كذا لاعفت احد عفته
ماني بمن يتبع للمقفين وينادي
ياعنك بقفي ماعيني بملتفته

طوفت لك لين شفتك حيل متمادي
والحين برد كل اللي طوفته
باخلي عقلك بوادي وقلبك بوادي
بيصادفك شئ ماقد يوم صادفته

رأســك عـلامـك رافـعـه يــوم أحـاكـيـك
الظـاهـر إنــي فــوق حجـمـك عطـيـتـك

لحـظـه نـبـي نـرجـع دقـيـقـه لمـاضـيـك
بـذكــرك فــــي أي حــالــه لـقـيـتـك

كـــان الـضـيـاع ودمعـتـيـن تـخـاويــك
منـهـار وفــي عــز انـهـيـارك خـذيـتـك

وأرخصـت عمـري لـجـل أحـبـك وأداريــك
هـدمـت قـصـر الـــذل فـيــك وبنـيـتـك

كــان الـغــلا شـمـعـه تـنــور لياليك
ولوأظـلـمـت دنـيــاك جـيــت احتويتك

يالـلأسـف كـنـت أمـدحـك وأفتـخـر فـيـك
رفـعـت مــن شـانـك وعـلـيـت صـيـتـك

كنـت أنـت عـنـدي غـيـر مـاأقـدر أخليك
أمــوت وأحـيـا ان قـلـت ســم وفديتك

والـيـوم أشـوفـك خـنـت حـتـى مباديك
صغـرت فـي عيـنـي وأنــا الـلـي هويـتـك

الضـيـف لـــو انـــه عـــدو مـعـاديـك
غـصـب علـيـك تـقـدره وســـط بـيـتـك

ياصـاحـبـي بـتـمـوت مـانــي بـراجـيـك
واشــره عـلـي ان كــان حـتـى طـريـتـك

لاصــار ذل النـفـس فــي قـلـب يغـلـيـك
يلـعـنـك يـاقـلـب عـشـقـك وشـريـتــك

اضـحــك حبـيـبـي دام وقـتــك مسـلـيـك
بـاكـر تـمـوت مـــن الـقـهـر لانسـيتك